Симболот на луксуз, престиж и моќ – компанијата „Alpina“ (која ги базира своите автомобили на модели на „BMW“) го претстави својот најнов автомобил. Тоа е моделот „B6 xDrive Gran Coupe“, кој ќе се појави пред публика во Женева.
Автомобилот е базиран на „BMW 6-Series Gran Coupe“, но ги демонстрира традиционалните за „Alpina“, надворешен дизајн и боја. Ентериерот е исто така преработен, нудејќи различен волан и инструменти, како и нов тапацир и декоративни елементи.
Под хаубата на „B6 xDrive Gran Coupe“ се наоѓа 4.4-литарски би-турбо „V8“ мотор на „BMW“, кој е сепак поставен да генерира импресивни 600 КС и 799 Нм.
Моќноста е зголемена за цели 40 КС во однос на верзијата на автомобилот кој „Alpina“ го претстави пред една година. Во споредба со „BMW 650i Gran Coupe“, на моделот што е базиран, индикаторите на моторот се зголемени за 150 КС.
Ова го прави „Alpina B6 xDrive Gran Coupe“ помоќен дури од максимално спортска верзија на моделот на „BMW“ – „M6 Gran Coupe“, кој нуди 560 КС.
Моделот на „Alpina“ е и побрз од „M6 Gran Coupe“. Тој забрзува од место до 60 милји на час за 3.6 секунди, додека оригиналот го прави истото за 4.1 секунди (4.0 секунди со пакет „Competition“).
Новата „Alpina B6 xDrive Gran Coupe“ има преработена верзија на 8-брзинскиот автоматски менувач на „BMW“, како и на системот за погон на четири тркала „xDrive“. Максималната брзина на моделот е 320 км/час.
