Европската комисија не ја коментира намерата на Грција да се обрати со барање кон Русија за финансиска помош во случај на недостиг на договор со Еврогрупата, изјави денеска портпаролката на ЕК Мина Андреева.
Тоа е хипотетичко прашање. Видовме дека Русија најави дека може да разгледа такво барање, ако тоа биде упатено. Сите проблеми, поврзани со финансиската помош за Грција, се разгледуваат на ниво на Еврогрупа, рече Андреева.
Еврогрупата денеска има состанок, поветен на финансискоекономската ситуација во Грција.
Шефот на руската дипломатија Сергеј Лавров изјави денеска по средбата во Москва со грчкиот колега Никос Коѕиас, дека Русија ќе го разгледа барањето на Грција за финансиска помош, ако ваква молба биде упатена.
Лавров додаде дека со Коѕиас ја разгледале финансиската состојба на Грција.
