Германскиот министер за финансии Волфганг Шојбле изјави денеска дека ЕУ не преговара за „нова програма“ за реформи со Грција, истакнувајќи дека склучените договори во 2010 и 2012 година продолжуваат да се во сила.
Не преговараме за нова програма. Веќе имаме програма, истакна Шојбле на крајот на средбата на главните финансиери од Г20 во Истанбул.
Шојбле ја даде оваа изјава и во пресрет на утрешната специјална средба во Брисел меѓу грчките власти и лидерите на еврозоната, посветена на долгот на Атина.
