Измените на Законот за хонорарците ќе придонесат за подобрување на законот и од нив бенефит ќе има огромна маса на луѓе, изјави денеска Живко Митревски, претседател на Сојузот на синдикати на Македонија.
Одговарајќи на новинарско прашање, Митревски оцени дека е добро тоа што нивните предлози се прифатени и оти ќе придонесат за подобрување на законското решение.
„Добро е тоа што модалитетите што ги предлагавме со Организацијата на работодавачи се прифатени и ќе придонесат за подобрување на законот“, рече Митревски, додавајќи дека уште од самиот почеток дале поддршка на потребата од донесување на едно вакво законско решение.