Десет нови возила дојдоа до полуфиналето во главната категорија на овогодинешниот натпревар за „Светски автомобил на годината“ (WCOTY). Победниците, вклучувајќи ги и категориите „Луксузен автомобил на годината“, „Спортски автомобил на годината“ и „Зелен автомобил на годината“, ќе бидат познати во почетокот на април.
Жирито за ова натпреварување, составено од 75 новинари од светски специјализирани весници, за полуфиналето ги одбраа „BMW 2-Series Active Tourer“, „Citroën C4 Cactus“, „Ford Mustang“, „Hyundai Genesis“, „Jeep Renegade“, „Mazda2“, „Mercedes-Benz C-Class“, „MINI“, „Nissan Qashqai“ и „Volkswagen Passat“.
Во почетокот на март бројот на финалистите ќе биде сведен на три возила, а на втори април за време на автосамот во Њујорк ќе биде познат и победникот.
Исто тогаш ќе бидат претставени и освојувачите во останатите три категории – „Луксузен автомобил на годината“, „Спортски автомобил на годината“ и „Зелен автомобил на годината“.
За титулата „Спортски автомобил на годината“ се борат: „Audi S1“, „Audi S3“, „Audi TT / TTS“, „Bentley Continental GT Speed“, „BMW M4 Coupe / M3 Sedan“, „Corvette Z06“, „Dodge Challenger SRT Hellcat“, „Jaguar F-Type R Coupe“, „Lexus RC-F“ и „Mercedes-Benz AMG GT“.
Финалистите во категоријата „Луксузен автомобил на годината“ се: „BMW i8“, „BMW X6“, „Cadillac ATS Coupe“, „Cadillac Escalade“, „Kia K900“, „Lexus NX“, „Lexus RC“, „Lincoln MKC“, „Mercedes-Benz S-Class Coupe“ и „Range Rover Autobiography Black LWB“.
Во релативно новата категорија – „Зелен автомобил на годината“ за титулата соперници се: „BMW i8“, „Hyundai x35 / Tucson Fuel Cell“, „Kia Soul EV“, „Volvo XC90 T8 Twin Engine“ и „Volkswagen Golf GTE“.
Исто како лани, ќе биде врачена награда и за најдобар дизајн. Тука финалистите се: „BMW 2-Series Active Tourer“, „Citroën C4 Cactus“, „Mercedes-Benz C-Class“, „Porsche Macan“ и „Volvo XC90“.
Победник во минатогодишниот избор стана „Audi A3“. Во категоријата „Луксузен автомобил на годината“ победи „Mercedes-Benz S-Class“, во „Спортски автомобил на годината“ – „Porsche 911 GT3“. Со две награди – „Зелен автомобил на годината“ и „Дизајн на годината“ си замина „BMW i3“.