Малиот шведски производител на супер-спортски автомобили беше вреден меѓу двата саеми во Женева, па во почетокот на март на оваа манифестација тие ќе ги претстават новите модели – „Agera RS“ и „Regera“.
Од „Koenigsegg“ не објавија повеќе информации, а се очекува дека „Agera RS“ ќе има помоќен мотор од „Agerа R“, чиј 5.0-литарски „V8“ произведува 1.115 ks (820 kW) и 1.200 Nm.
Можеме само да претпоставиме какви перформанси ќе има новиот модел, кога се знае дека „Agera R“ oд 0 дo 100 km/h стигнува за 2.9 секунди, до 200 на час за 7.5 секунди, додека максималната брзина изнесува 390 km/h.
Другиот модел, „Regera“, би требало да биде уште поекстремен со оглед дека „Koenigsegg“ го најавува како нов „мега автомобил“. Тоа значи дека моторот на овој модел ќе развива 1.000 kW (еден мегават).
Претходниот „Koenigsegg“ кој го заслужи овој епитет беше моделот „One:1“, прикажан на минатогодишниот саем во Женева.
„Koenigsegg One:1“ има погон од 5.0-литарскиот „V8“ мотор со 1.360 ks (1.000 kW) и 1.371 Nm. Името го доби благодарејќи на факот дека односот на моќта (во kW) и масата (во kg) кај овој автомобил е 1:1.
