Норвешката нафтена компанија „Statoil“ соопшти вчера дека ќе ги намали инвестиции, откако нејзиниот профит е преполовен поради падот на цените на нафтата и отписот на вредноста на имотот.
Компанијата минатата година оствари профит од 21,9 милијарди круни (2,9 милијарди долари) во однос на 39,9 милијарди од 2013 година, наведувајќи дека инвестицискиот буџет оваа година од 20 милијарди долари ќе се намали за 10 проценти, пренесува агенцијата Франс прес.
Поради падот на цените на нафтата и големиот отпис на вредноста на имотот, „Statoil“ во последниот минатогодишен квартал имаше нето загуба од 8,9 милијарди круни.
Кoмпанијата во 2014 година оствари приходи од 606,8 милијарди круни, 1,6 проценти помалку во однос на претходната година.
„Statoil, кој вработува 23.000 лица и чии 67 проценти од акциите ги поседува норвешката влада, ја намали рабoтната сила за осум проценти во 2014 година.
Производството на нафта и гас е намалено за еден процент на 1,93 милиони барели дневно.
