Од „Porsche“ официјално најавија дека немаат намера да се разделат со традицијата да прават „радикални спортски автомобили со две врати“. Последен доказ за тоа е модификацијата на моделот „Cayman“ кој доби дополнителни 45 кѕ.
Новата верзија на „Porsche Cayman“ со додаток „GT4“ се потпира на 3.8-литарски бензински мотор со моќност од 385 кѕ. За споредба најсилната модификација на моделот до моментов – „GTS“, располага со 340 кѕ. Со рачен менувач новата верзија на моделот забрзува од 0 до 100 км/ч за 4.4 секунди, додека „Cayman GTS“ со пакет „Sport +“ го прави истото за 4.7 секунди.
Максималната брзина на „Cayman GT4“ e 295 км/ч. Автомобилот добил суспензија која е намалена за 30 мм, а исто така и повеќе моќни сопирачки механизми, позајмени од најекстремната верзија на „Porsche 911“.
Сето ова помогна на машината да ја извози патеката Нирбургринг за 7 минути и 40 секунди, а сличен резултат запишаа и суперавтомобили, како „Mercedes-Benz SLS AMG“ и „Lamborghini Murcielago LP640“.
Промените во надворешноста на новата верзија на „Cayman“ се најмногу за аеродинамиката. Зголемени се отворите за воздух и задниот браник, а освен тоа возилото доби и фиксен спојлер, како и нови седишта и спортски волан.
Продажбата на „Porsche Cayman GT4“ во Европа ќе стартуваат напролет по цена од 85.779 евра. Во САД возилото е проценето на 84.600 долари.
