Популарниот функционален модел „Volkswagen Caddy“ помина низ темелна модернизација. Автомобилот добил нови мотори, модернизиран екстериер и надграден ентериер.
Што се однесува до надворешноста, од „Volkswagen“ се заложиле на својот најнов дизајн, слично на последните генерации на „Passat“ и „Golf“, а сепак ги зачуваа познатите форми и пропорции на моделот. Најголемите разлики во предниот дел влијаат на решетката на ладилникот и светлата. Слична е и ситуацијата одзади.
Во поголеми размери се промените во внатрешноста. Таму гледаме нови инструменти, нови апарати, нова централна конзола и нов тапацир на вратите. Впечаток исто така остава и воланот со рамно дно и деталите обоени во боја на екстериерот.
Под хаубата на „Caddy“ веќе се ставаат мотори во согласност со стандардот „Евро6“. Новина е 1.0-литарскиот „TSI“ бензински мотор со три цилиндри и 102 кѕ. Палетата продолжува со познатите 1.2-литарски „TSI“ со 84 кѕ и 1.4-литарски „TSI“ со 125 кѕ. Во понудата има и четири дизел верзии кои се нудат со моќност меѓу 75 и 150 кѕ. Пренос е рачен или автоматски „DSG“.
Меѓу системите присустни се адаптивен автопилот, автоматски паркинг пилот за нормално и паралелно паркирање, технологија која препознава заморот кај возачот и друго.
Четвртата генерација на „Caddy“ ќе се појави на европските пазари во почетокот на летото. Според првите информации, цените во Германија почнуваат од 14.785 евра.
