Францускиот министер за финансии Мишел Сапен по средбата со неговиот грчки колега Јанис Варуфакис ја предупредува Атина да не игра на картата нa кавга меѓу Берлин и Париз.
„Францускогерманскиот договор е клучен за постигнување спогодба што може да им помогне на Грците“, изјави Сапен.
Според него, барањето на грчката Влада за постигнување „Нов договор“ е разумено, само ако оди во пакет со нов план за реформи во Грција.
„Нема никаква поента да се туркаат членките на еврозоната едни против други и особено тоа не може да се прави со Франција и Германија, затоа што решението за помош на Грција мора да мине преку договор меѓу Франција и Германија“, изјави Сапен по средбата со Варуфакис во Париз.
