Врвните спортски верзии на новите „BMW X5“ и „X6“ развиени од „BMW M GmbH“, веќе можат да бидат опремени со дополнителните компоненти од „M Performance“.
Предметните подобрувања се целосно визуелни, а се наменети како за внатрешноста, така и за надворешноста на „X5 M“ и „X6 M“.
Што се однесува до доработката за надворешноста, тие вклучуваат поагресивна решетка на ладилникот во црна боја, карбон капаци за страничните ретровизори и карактеристични „М“ -ленти.
Внатрешноста може да биде опремена со прагови кои се изработени од нерѓосувачки челик и со осветен натпис „M Performance“, карбон декорации, спортски рачката со лого „BMW M“, алкантара волан, педали од нерѓосувачки челик, уникатни патосници и друго.
Новите „BMW X5 M“ и „X6 M“ се придвижуваат со оптимизирана верзија на 4.4-литарскиот „V8“ мотор. Тој развива максимална моќност од 575 кѕ и максимален вртежен момент од 750 Nm., овозможувајќи забрзување од 0 до 100 км/ч за 4.2 секунди.
