Во Хрватска невработени се вкупно 44,8 проценти од младите лица, покажуваат податоците на Еуростат.
Според овој број, Хрватска се наоѓа меѓу водечките три земји во Европската унија, а пред неа е Грција со 50,6 проценти невработени млади лица, додека на самиот врв е Шпанија со стапка од 51,4 проценти за невработените млади лица.
Според бројот на невработени, Хрватска и Кипар со 16,4 проценти го делат третото место во ЕУ – покажуваат податоците објавени денес од Еуростат за месец декември 2014 година.
На прво место е Грција со стапката на невработеност од 25,8 проценти, а следи Шпанија со 23,7 проценти.
Најниски стапки за невработеност се забележани кај Германија – 4,8 проценти и Австрија – 4,9 проценти.
Најниски стапки за невработеност кај младите се забележани повторно во Германија – 7,2 проценти и Австрија – 9 проценти.
На ниво на цела ЕУ невработеноста изнесува 9,9 проценти, додека во еврозоната таа изнесува 11,4 проценти.