Индексот на потрошувачката доверба во Италија во јануари оваа година порасна од 99,9 поени во декември на 104 поени, покажаа податоците на Институтот за статистика Истат.
Со тоа се надминати очекувањата на аналитичарите во анкетата на Блумберг дека тој показател ќе надмине 100 поени.
На подобрувањето на потрошувачката доверба во Италија особено влијаело подобрувањето на проценките за личната финансиска положба од 98 на 102,2 поени.
Пораснала, исто така, и проценката на домаќинствата за вкупната моментална ситуација од 97,2 поени на 102,5 поени.
Проценката за прогнозите на економската состојба во земјата пораснала од 103,5 поени во декември на 109,2 поени во јануари.
Перспективите на економската клима се проценети на 106,5 поени, од претходните 101,9 поени.
Индексот на очекувањата за невработеноста во рамките на индикаторот за доверба е намален од 48 на 41 поени.
