Американската компанија „Apple“ го зазеде првото место на листата на 500 најскапи светски марки, според британската консултантска компанија „Brand Finance“.
Вредноста на „Apple“ е проценета на 87.3 милијарди долари се вели во соопштението на „BF“.
На второто место се најде јужнокорејскиот „Samsung“ со вредност од 58.77 милијарди долари. Тоа е единствената компанија меѓу првите десет на листата која не е од САД. Третото место му припадна на „Google“ со 52.13 милијарди долари.
Лидер меѓу јапонските компании е Тојота со вредност од 25.97 милијарди долари што и беше доволно за 15-тото место, исто како и на минатогодишниот рејтинг.
Најскапите германски марки се од автомобилскиот сектор. Лидер е Фолксваген со вредност од 23.66 милијарди долари, па така оваа година се искачи на 17-тото место што е одличен резултат за разлика од лани кога беа 35-ти. Додека БМВ и Мерцедес вердат 23.23, однонсо 20.3 милијарди долари. Меѓу првите 50 се најдоа и три компании од Велика Британија, а тоа се „Vodafon“, „HSBC“ и „Tesko“, две кинески, „ICBC“ и Кинеската градежна банка, две од Франција „BNP Pariba“ и „GDF Suec“ и по една од Холандија (Shell) и Швајцарија (Nestle).
Од руските компании највисоко котира „Sberbanka“ со вредност од 14.16 милијарди долари која се искачи од 78-то место на 63-то место на табелата, и е единствената од руските марки која се најде меѓу првите 100.
„Gasprom“ е на 122-то место и нејзината вредност се проценува на 8.3 милијарди долари, додека марката „Lukoil“ е тек на 218-та позиција.
