Санкциите на ЕУ кон Русија придонесуваат за зголемување на стоковата размена меѓу Руската Федерација и Турција, изјави турскиот министер за економија Нихат Зејбекчи.
Во интервју за австрискиот весник „Виртшафтсблат“, Зејбекчи нагласува дека стоковата размена меѓу двете земји би се зголемила и без воведувањето на санкциите, но во сегашни услови трговијата меѓу Русија и Турција дополнително се зголемува.
Моментно билатералната стокова размена меѓу Москва и Анкара изнесува 28 милијарди долари. Паралелно со тоа треба да се направат напори за развојот на економските односи меѓу Русија и Турција да биде одржлив, истакнува Зејбекчи.
Пред година и половина на рускотурска средба на високо ниво беше поставена цел за зголемување на стоковата размена до 100 милијарди долари, а тогаш воопшто не стануваше збор за никакви санкции. Единствен ефект од санкциите против Русија за нас е тоа што, сега таа цел ќа ја оствариме побрзо, нагласи турскиот министер за економија.
