Американскиот ланец за брзa храна ги зголеми своите приходи во Швајцарија за 1,56 проценти во споредба со претходната година.
Ова зголемување кое изнесува 729 милиони франци е направено и покрај падот на прометот во секторот на гастрономијата, за пет проценти.
Бројот на клиенти во рестораните на Мексдоналдс во Швајцарија не е зголемен, тој е на истото ниво како и во 2012 година. Рестораните на Мекдоналдс лани ги посетиле 106 милиони гости, тoa во просек е околу 290.000 дневно, се наведува во соопштението на компанијата.
Зголемувањето на приходите од продажбата се објаснува со фактот дека се поголем број на клиенти нарачуваат комплетно мени, а не само еден производ. Минатата година, најчесто барана порција била швајцарскиот специјалитет (La McRaclette).
