Агенцијата „Standard & Poor’s – S&P“ го намали кредитниот рејтинг на Русија на неинвестициски, т.н. „ѓубре“ рејтинг.
Како што пренесува АП, агенцијата на Русија и го намали рејтингот на „ВВ+“ од „ВВВ-“.
Вака нискиот рејтинг на Русија и е даден поради слабеењето на рубљата и слабеењето на приходите на земјата од извозот на нафтата.
Агенцијата рејтингот го намали од „ВВВ-“ на „ВВ+“ наведувајќи дека финансиските заштитни механизми на Русија се загрозени поради падот на вредноста на рубљата и намалените приходи од извозот на нафта и гас.
Руската економија е тешко погодена од падот на извозните цени на нејзините енергенси и санкциите кои Западот ги воведе кон неа поради кризата во Украина.