Македонската Влада на владите на соседните држави да им понуди склучување меѓународни договори за конкретни гранични премини на кои би се реализирал концептот на заеднички гранични контроли, иницира денеска македонската Царинска управа по повод Меѓунродниот ден на царината.
Со воведување на концептот заеднички контроли со соседните земји на повеќе гранични премини, според Царината, ќе се овозможи единствено застанување и контрола на патниците, стоката и превозните средства од страна на граничните служби на две соседни држави.
Инцијативата, според денешното соопштение од Царината, следи по согледување на сите аспекти, (инфраструктурни можности, организациска поставеност, можност за дополнителни вложувања,..)
На координираното гранично управување е посветен и овогодишниот Меѓународен ден на царината. По тој повод на иницијатива на Царинската управа на РМ шефовите на македонските гранични премини одржаа средби со своите колеги од царинските служби на соседните земји.
Воедно македонската Царина додели 6 благодарници за досегашната одлична соработка со царинските испостави на Србија и Косово и со Министерството за внатрешни работи на РМ.
Светската царинска организација традиционално, преку своите членки, меѓу кои е и Царинската управа на РМ доделува благодарници на лица и организации кои придонеле за подобрување на координираното гранично работење.
