Цените на нафтените деривати од ноќеска на полноќ се намалуваат за 1,5 до три денари по литар, одлучи денеска Регулаторната комисија за енергетика (РКЕ).
Со одлуката се врши намалување на рафинериските и на малопродажните цени на нафтените деривати во просек за 7,91, односно за 4,93 отсто.
Малопродажната цена на ЕУРОСУПЕР БС95 се намалува за 1,5 денари за литар и ќе чини 59 денари за литар. ЕУРОСУПЕР БС98 поевтинува за два денара по литар и ќе се продава за 60,5 денари по литар.
Малопродажната цена на ЕУРОДИЗЕЛ (ДЕ V) се намалува за 2,5 денари за литар и ќе изнесува 48,5 денари, додека Екстра лесното масло за домаќинство (ЕЛ1) се намалува за три денари и ќе се продава за 37 денари за литар.
Со одлуката на РКЕ за 1,610 денари за килограм поевтинува и мазутот М1 НС кој сега ќе се продава за 21,282 денари за килограм.
Како причина за намалувањето на малоподажните цени на нафтените деривати од РКЕ ги посочуваат за 11,9 отсто пониската просечна цена на сурова нафта на светскиот пазар во изминатите 14 дена и за 1,443 отсто повискоиот курс на доларот во однос на денарот.