За неполни два месеца ќе почне површинскиот коп на бакар во рудникот „Казандол“, изјави денеска градоначалникот на општина Валандово Николче Чурлиновски, откако целосно завршија истражувањата за присуството на бакар на одредената локација.
Во март или најдоцна во април годинава ќе почне површинскиот коп на бакар,а со отворање на рудникот, посочи Чурлиновски, се очекува вработување на околу 400 лица од различни профили.
Според Чурлиновски тоа е огромна перспектива не само за населеното место Казандол,туку и за целото население на општина Валандово.
Украинската фирма „Констатиновски плант“ ја доби концесијата за истражување и експлоатација на рудата во што инвестира околу 200 милиони евра.