Компанијата за тапациран мебел „Елитте Софа“ од Скопје учествува на најважниот меѓународен саем за мебел Imm 2015 кој се одржува во Келн, Германија.
Компанијата во рамки на учеството на саемот кој се одржува од 19 до 25 јануари ќе ги претстави своите производи и можностите во производство на ексклузивни гарнитури за седење, софи и лежаи. Гарнитурите се изработуваат во висококвалитетна телешка кожа или различни типови на штоф, меѓу кои новост кај оваа компанија се гарнитури во мебел штоф кој е отпорен на дамки и вода.
На овој саем учествуваат 1250 изложувачи, а се очекуваат над 142.000 посетители. Ова е најважниот меѓународен саем од оваа бранша на кој учествуваат најголемите имиња, брендови и иноватори од целиот свет.
