„Opel“ се пофали со значаен јубилеј – во фабриката во Ризелхајм е произведен 750.000-тиот примерок на моделот „Insignia“.
„Opel Insignia“ е претставен во 2008-ма година како замена за моделите „Vectra“ и „Signum“.
Автомобилот беше редизајниран некаде на половината на 2013-та, кога на купувачите покрај верзиите со 4 и 5 врати и караван, им беше понудена и „крос“ верзија, „Country Tourer“.
Oсвежената „Insignia“ во 2014-та забележа раст на продажбата од 19% во однос на претходната, 2013-та година, кога беа испорачани преку 100.000 автомобили.
Јубилејниот примерок беше „Opel Insignia OPC Sports Tourer“, во сина боја.
Автомобилот има 2.8-литарски „V6“ турбо-бензинец кој произведува 325 ks и 435 Nm максимален вртежен момент.
За збрзување од 0 дo 100 km/h му е потребно 6.3 секунди.
