Овие денови на интернет кружат интересни гласини дека „Mercedes-AMG“ размислува за лансирање на нов модел кој би користел хибриден погон.
Како пренесува „Motor Trend“, извршниот директор на „AMG“, Тобијас Моерс во неодамнешно интервју најави дека во наредните неколку години, „Mercedes-AMG“ ќе работи на хибриден ривал на „Porѕche 918“.
Под хаубата би можело да се најде верзија на 4.0-литарскиот „твин-турбо“ V8 агрегат од „Mercedes-AMG GT“ од 650 дo 700KS, a автомобилот исто така би имал и два електромотори и погон на сите тркала со вкупни 1.000KS.
Со оглед дека овие информации и натаму се неофицијално потврдени, а и „Mercedes-AMG GT“ се уште се нема појавено на пазарот, овој нов хибриден суперавтомобил не би требало да го очекуваме наскоро.
