Министерот за земјоделство, шумарство и водостопанство Михаил Цветков денеска во Берлин ќе учествува на министерскиот форум „Растечката потреба од храна, енергија и суровина: предизвици за одржливо земјоделство и обезбедување доволни количини на храна“.
На форумот учествуваат 70 министри и заменициминистри за земјоделството, како и претставници од земјоделскиот и прехранбениот сектор. Заклучоците од форумот ќе бидат земени предвид во меѓународните политички процеси, како што се Г7 и Г20, конференции и состаноци на Обединетите нации.
На маргините на Форумот, министерот Цветков ќе оствари повеќе билатерални средби со своите колеги од регионот и од Европа.
Цветков вчера во Берлин се сретна со генералниот директор на Светската организација за храна и земјоделство (ФАО), Хозе Грациано да Силва.
