Меѓународниот монетарен фонд (ММФ) го продолжи на две години специјалниот кредитен аранжман за Полска од 23 милијарди долари, кој Полска не го користи.
Сепак, средствата и се веднаш на располагање доколку и притребаат од наглите падови да ја заштити злотата и државните обврзници.
Кретитот од 33,7 милијарди долари е намален на 23 милијарди на барање на Полска.
На Владата на Полска кредитот од ММФ ќе и служи како мерка на претпазливост и таа нема намера да го користи кредитот, соопшти ММФ, јавуваат полските медиуми.
Таа специјална форма на кредит е воведена во ММФ по избивањето на глабалната економска криза во 2008 година, година на успешни но и ранливи економии во развој. Полска е првата земја на која во 2009 година тие средства и беа ставени на располагање, но досега таа не морала да искористи ниту еден долар.
ММФ денес оцени дека Полска има силни економски основи и политичка рамка, силна фискална позиција, а јавниот долг е избалансиран.
Продолжувањето на рокот за уште две години кога на Полска и се ставени на располагање 23 милијарди долари, според оценката на ММФ е само помош да се одржи довербата на пазарот и да се зајакне економската стратегија на Владата, а фактот дека официјална Варшава побара да се намалат средствата за повеќе од 10 милијарди, е јасен сигнал дека таа од кредитната линија потполно ќе се откаже кога ќе исчезнат надворешните закани.
