Едно од последните истражувања поврзани за Фејсбук покажа една работа која може да им биде интересна на сите работодавци – содржината која корисниците ја објавуваат може да покаже колку тие лица ќе бидат упешни на работа.
Ова истражување на група од 146 лица го спроведоа Ричард Ландерс и Кетлин Каванауг од Универзитетот Олд Доминион во Вирџинија и заклучија дека постои поврзаност меѓу личноста на корисниците и успехот на работа.
Следејќи нечиј профил на Фејсбук можеме да дознаеме како тоа лице ќе се однеува на работното место, вели Business Insider пренесувајќи ги резултатите од истражувањето и напоменувајќи дека двете најважни особини кои можеме да ги откриеме на Фејсбук за корисниците и да ги поврземе со однесувањето на работа се совесноста и екстровертноста, т.е. отвореноста кон другите луѓе.
Ландерс објаснува дека совесните лица никогаш не доцнат, своите задачи ги вршат педантно и на време, организирани се и од сите особини токму совесноста се поврзува со успехот на работа.
Отвореноста покажува како лицата се однесуваат и се чувствуваат во друштво на поголема група на луѓе – оваа особина е многу важна за луѓето кои се занимаваат на пример со продажба и се во чест контакт со други луѓе, ној не е толку важна за некои други занимања, како програмерите.