Украина не испочитувала низа услови за добивање кредит од три милијарди долари од Русија и руската страна поради тоа најверојатно ќе побара долгот да биде вратен предвреме, изјави извор од руската влада.
„Сегашната економска и финансиска ситуација во Украина покажува дека низа параметри кои биле услови за добивање на рускиот кредит не се исполнети“, вели изворот.
„Под такви околности Русија наскоро најверојатно ќе мора да побара од Украина предвреме да го врати долгот од три милијарди долари“, додава изворот за агенцијата Тас.