Форинтата би можела да потоне рекордно ниско во однос на еврото, предвидуваат аналитичарите.
Веројатноста за такво нешто во само еден месец порасна за дури шест пати, на 77 проценти, покажуваат податоците кои ги собра Блумберг.
Најмногу загрижува ситуацијата во Европската унија со која Унгарија извршува 75 проценти од својата трговска размена.
Слабоста на унгарската валута ја одразуваат и глобалните економски проблеми, падот на цената на нафтата, проблемите во Грција и руско-украинската напнатост, велат од централната унгарска банка.
„Форинтата претходно го проби нивото на отпор. Покажува висок степен на корелација со руските кредитни проблеми и зголемените регионални ризици, напишаа Моника Кис и Акос Кути, економисти во Equilor Befektetesi Zrt. во Будимпешта.