Францускиот премиер Мануел Валс им порача на Французите дека уште неколку години ќе мора да се жртвуваат за економскиот пресврт на земјата.
Не сакам на Французите да им давам лажна надеж дека со жртвувањето ќе можеме да престанеме за две или три години, изјави Валс за шпанскиот весник „Ел Мундо“ кој францускиот премиер го опиша како Шпанец кој сака да ја промени Франција.
„Мораме неколку години да вложуваме напори со цел Франција да ја направиме силна, со цел компаниите да станат конкурентни и јавниот сектор да стане ефикасен, поевтин и со помалку даноци“, објасни Валс.
Францускиот премиер изрази надеж дека во наредните месеци ќе дојде повторно до раст, а со самото тоа и до раст на платите и отворање на поголем број на работни места.
„Но мора да продолжиме со вложувањето на напори со цел државата да ја направиме ефикасна, стратешки посилна и држава која помалку ќе троши“, оцени тој изразувајќи уверување декa Французите ја сфатиле неопходноста на реформите.
