„BMW“ очигледно ја разбуди имагинацијата на своите фанови кога за 2016-та година го најави моделот „i9“, а еден графички дизајнер одлучи дека чекањето е завршено и ја понуди својата визија на идниот модел на „BMW“.
Според компјутерските цртежи кои ги направи, љубителите на „BMW“ можат да погледнат футуристички „i9“ чии модерни линии продолжуваат каде што застана моделот „i8“.
Меѓутоа, сметаме дека овој љубител на баварскиот гигант премногу се насочил кон идинината и дека „i9“, кога ќе се појави ќе биде со помалку радикален изглед.
Вистинскиот „i9“ е најавен за 2016-та година во која „BMW“ ќе слави 100-годишнина од постоењето, а ќе биде основан на моделот „i8“ со нов модуларен 3.0-литарски 6-цилиндарски мотор кој работи во пар со електрична единица со вкупна моќ поголема од таа на „i8“, т.е. 362KS и 570Nm.
