Tри години откако во Европа беше лансирана втората генерација на моделот „i30“, „Hyundai“ ја најавува најновата палета на редизајнираниот модел „i30“.
Редизајнираниот Hyundai i30 во продажба од март 2015-та (фото)
Официјалната продажба ќе започне од март месец 2015-та, кога ќе биде позната и цената на автомобилот, а палетата на новите „i30“ модели опфаќа три стилски каросерии (хечбек со 3 и 5 врати и караван).
Покрај стилските подобрувања, редизајнираните автомобили ќе имаат и подобрена ефикасност на моторите, нови менувачи, нови безбедносни системи. Како најголем новитет, во понудата ќе биде и новиот „T-GID“ мотор со 186 KS зa моделот „Hyundai i30 Turbo“.
Освежените модели „i30“ се дизајнирани и конструирани во компанискиот центар во Ризелхајм, во Германија. Подобрениот „i30“ има нов дизајн на предната маска, подобар мотор, додека на купувачите ќе им биде достапен и седумстепен автоматски менувач со двојно квачило.
Покрај тоа, моторот со 1.4-литри сега има помала потрошувачка на гориво и го исполнува „EURO 6“ стандардот.
„Hyundai i30“ за 2015-та има и систем за вентилација на седиштата кој обезбедува дополнителна удобност и го подигнува нивото на комфор во кабината.
Во понудата ќе бидат осум мотори, три дизели и пет бензински. Дизел агрегатите ќе бидат достапни во верзиите 1.4-литарски и 1.6-литарски, во опсег од 90-136 KS, a бензинските се 1.4-литарски и 1.6-литарски со моќ помеѓу 100 и 186 „коњи“.
Тубро модел со 186 „коњи“
„Hyundai i30 Turbo“, покрај моторот со 186 KS ќе има и спортска суспензија и прецизно управување со динамично возење и подобрен менувач.
Надворешниот дизајн на овој автомобили се разликува од другите верзии според маската на ладилникот, предниот и заден браник со црвени детали, двојниот издувен систем и 18-инчните алуминиумски бандажи.
Внатрешноста на кабината е пространа со спортски седишта, црвени детали на воланот, менувачот, рачките на вратите и црната позадина.