Производителот на луксузни автомобили, кој работи како дел од концернот „Volkswagen“, ја истакна својата нова цел, а тоа е дека до 2020-та година на купувачите ќе им испорача 20.000 возила, што е два пати повеќе во споредба со 2013-та.
„Bentley“ претходно најави дека планира до 2018-та да достигне продажба од 15.000 автомобили, што е скоро 50 проценти повеќе отколку во 2013-та година, кога беа пласирани 10.120 возила.
Извршниот директор, Фолфганг Дирхајмер, сега ја подигна границата на 20.000 единици, а како краен рок за постигнување на таа цел го означи крајот на тековната декада.
За да се оствари прогнозата на првиот човек на компанијата, потребно е на пазарот во 2016-та да се појави долго најавуваниот „SUV“ модел, базиран на концептот EXP-9F од 2012-та.
„Bentley“ не очекува дека лансирањето на „SUV“ возило со знакот на оваа луксузна марка ќе ги одбие досегашните купувачи, за веруваат дека ќе ги привлечат и оние кои досега не ги купувале нивните модели.
Кога станува збор за „SUV“ моделот, во компанијата најмногу сметаат на големиот потенцијал на кинескиот пазар.
