Властите во Зимбабве планираат да извезат најмалку 62 слона за делумно да го пополнат државниот буџет и да го ограничат растот на популацијата на слоновите.
„Зимбабве доби согласност од CITES (Кoнвенција за меѓународна трговија со загрозени видови), да извезе слонови на одбрани дестинации, од кои една е Кина, изјави за Франс прес претседателот на Канцеларијата за паркови и див свет на Зимбабве, Џери Готора.
Извозот ќе започне во првиот квартал од 2015 година откако ќе бидат потврдени извозните дестинации, наведе тој, додавајќи дека клиентите од Обединетите Арапски Емирати изразиле интерес за 15 слонови, клиентите од Кина за 27, а од Франција за 15 до 20.
„Основата причина за извоз на слонови е тоа што сакаме да обезбедиме одржливо искористување на нашите природни ресурси. Имаме 80.000 слонови, а капацитет за 42,000, што не е одржливо на долг рок. Извозот ќе го следи „CITES“, наведе Готора.
Парковите во Зимбабве често работат со ограничени средства, кои ги добиваат од државниот буџет и зависат најмногу од донации на приватни компании.
