Германскиот производител објави дека ќе повлече 205 примероци од топ моделот „918 Spyder“, поради замена на неисправните конструктивни делови. Ова е веќе втор отповик за моделот кој се произведува во ограничена серија и чија основна верзија чини околу 770.000 eвра.
„Porsche“ неодамна се пофали дека ги продаде сите 918 примероци од својот најскап модел, но задоволството поради овој разултат е намалено со најавата дека скоро четвртина од возилата ќе бидат повикани за да се заменат спорните делови.
Проблемот е откриен за време на интерна проверка на квалитетот во „Porsche“, a досега не пристигнала никаква поплака од сопствениците на автомобилите. Замената на деловите ќе се изврши на почетокот на 2015-та во овластените сервиси на компанијата.
„Porsche“ претходно во септември повлече 45 примероци од моделот „918 Spyder“ поради можен сериски дефект на задната осовина, а проблематичниот дел на овие автомобили во меѓувреме беше заменет.
Во почетокот на годината „Porsche“ имаше сериозни проблеми и со моделот „911 GT3, кога компанијата поради два пожари на возила и серискиот дефект беше принудена да ги замени моторите на 785-те веќе произведени и испорачани автомобили.