„Lamborghini“, „Ferrari“, „Maserati“ – ова се дел од легендарните автомобили кои се произведуваат во Италија.
Погледнете го рејтингот на 10-те најпознати модели, произведени во Италија:
10. „Alfa Romeo 155“
Компактниот автомобил се произведува во Италија од 1992-ра до 1998-ма година.
9. „Lamborghini Gallardo“
Спортскиот автомобил се произведува од 2003-та до 2013-та година. Тој има 5-литарски V10 мотор. Втората генерација од него беше претставена на саемот во Женева од 2007-ма година. Од 2014-та година почнува да се произведува моделот „Huracan“.
8. „Ferrari 458 Italia“
Претставен е во 2009-та година на саемот во Франкфурт. Има 4.5-литарски V8 мотор. Забрзува до 100 км/час за 3.3 секунди и има максимална брзина од 325 км/час.
7. „Lamborghini Diablo“
Се произведува од 1990-та до 2001-ва година. Прикажан е за прв пат во јануари 1990-та година. Има 5.7-литарски V12 мотор со моќност од 491 „коњски сили“.
6. „Ferrari California“
Оригиналниот модел има 4.3-литарски V8 мотор. Своето деби го има на Саемот во Париз во 2008-ма година. Моделот „2010 Ferrari California“ забрзува до 100 км/час за помалку од 4 секунди и има максимална брзина од 310 км/час.
5. „Maserati GranTurismo“
Автомобилот беше претставен во 2007-ма година како купе, а во наредните години се појави и кабриолет модел. Во 2007-ма година првиот модел од серијата беше прикажан на саемот во Женева и имаше 4.3-литарски V8 мотор.
4. „Maserati MC12“
Овој автомобил се произведуваше во ограничен број меѓу 2004-та и 2005-та година, а од него се направени само 62 парчиња. Има V12 мотор и максимална брзина од 330 км/час.
3. „Alfa Romeo 159“
Компактниот модел се произведуваше меѓу 2005-та и 2011-та година. Дебитираше на саемот во Женева во 2005-та година. Моделот „159“ има 3,2-литарски V6 JTS Q4 мотор, забрзува до 100 км/час за малку под 7 секунди, а максималната брзина е 151 км/час.
2. „Lamborghini Murcielago LP640“
Овој модел беше претставен во март 2006-та година на Саемот во Женева.
1. „Ferrari F430 Spyder“
Тоа е кабриолет верзијата на оригиналниот модел купе. Дизајнот е на „Pininfarina“, а своето деби го имаше на саемот во Женева.