Цените на увозните производи во Германија во ноември опаднаа на месечно ниво за 0,8 проценти, повеќе отколку што се очекуваше.
Во октомври беше забележано нивно намалување од 0,3 проценти, соопшти Федералниот завод за статиска.
Во однос на ноември 2013 година, цените на увезената стока се пониски за 2,1 проценти, додека во октомври на годишно ниво биле пониски за 1,2 проценти, пренесува Ројтерс.
Аналитичарите во ноември во просек очекуваа пад од 0,5 проценти во однос на октомври и пад од 1,8 проценти во споредба со ноември минатата година.
Во соопштението на статистичкиот завод се додава дека, кога ќе се исклучи секторот за енергија, произлегува дека цените на увезените производи на германскиот пазар пораснале за 0,1 проценти на месечно, колку и на годишно ниво.
