Меѓународниот монетарен фонд ја блокираше исплатата на 88 милиони евра вонредна транша од кредитот за Кипар.
Исплатата е блокирана откако парламентот во Никозија го одложи гласањето за законите кои ги бараат кредиторите на оваа земја.
Траншата е дел од пакетот помош вреден 10 милијарди евра, кој Kипар минатата година беше принуден да го побара за да избегне банкрот, пренесува агенцијата Франс прес.
Тројката кредитори, ММФ, Европската централна банка и Европската комисија, веќе уплатија неколку транши за Кипар, кој во замена за средствата се согласи со строгата програма за штедење.
Законодавците, сепак, ја одложија дебатата за низата закони за крајот на јануари, што го поттикна ММФ да ја замрзне исплатата на својот дел од траншата.