Лидерите на земјите од Европската унија ја одобрија новата инвестициска програма за стимулирање на економскиот раст.
– Договоривме три работи: прво, повикуваме на итно формирање европски фонд за стратешки инвестиции, второ, обновен ангажман за интензивирање на структурните реформи и трето, продолжување на напорите за гарантирање здрави јавни финансии, соопшти претседателот на Европскиот совет Доналд Туск во видео-порака. Трите заедно ја формираат нашата стратегија за забрзување на обновата, дополни Туск.
Тој уште на Твитер соопшти дека средбата завршила половина ден порано и оти нема утре да има средба како што беше планирано, а наместо тоа ќе ја завршат седницата по дискусијата за време на вечерата за Русија и Украина.
