Во фабриката на „Volkswagen“ во Волсбург од производната лента излезе милионитото возило од моделот „Golf Sportsvan“ и претходникот „Golf Plus“.
Станува збор за автомобил со 2.0 TDI „BlueMotion Technology“ мотор со моќност од 110 kW/150KS „Habanero“ портокалова металик боја со линија на опрема „Highline“.
„Sportsvan“ се произведува исклучиво во фабриката во Волсбург.
„Овој атрактивен автомобил покрај „Golf“, „Tiguan“ и „Touran“ е четвртиот успешен модел кој доаѓа од оваа наша фабрика. Наградата „Златен волан“ за 2014-та година претставува заслужена пофалба за сите работници во нашата фабрика“, вели директорот на фабриката, Јенс Херман.
„Golf Plus/Golf Sportsvan“ од самиот почеток од 2004-та претставува голем успех. Главниот пазар на ова компактно возило е Германија, пред Франција и Италија. Најомилен мотор меѓу купувачите е „TSI“ со моќ од 92 kW/125KS.
