Целта за создавање самоодржлив инкубатор за претприемачи, чии нови бизниси ќе користат комбинирани ресурси од двете страни на македонскобугарската граница и ќе придонесат за регионалниот економски развој, беше тема на денешната конференција за претприемаштво, која се одржа во Крива Паланка.
Конференцијата е дел од проектот „Претприемачки клуб“, што го реализираат РЦС„Спектар“ од Крива Паланка и Бугарската менаџмент асоцијација од Благоевград, со финансиска пооддршка на ИПА програмата за погранична соработка помеѓу Македонија и Бугарија. Со проектот се опфатени невработени лица, млади кои сакаат да почнат сопствен бизнис, економски унуверзитети и средни училишта од Североисточниот регион во РМ и Благоевградската област во Бугарија.
Проектот ги опфаќа бизнис можностите во прекуграничниот регион, развивањето на претприемачкиот дух, идентификација на најдобри претприемачки практики и нови бизнис идеи, со заедничка размена на искуства помеѓу македонските и бугарски претприемачи. Како резултат на спроведените проектни активности реализирани се две тродневни работилници, генерирани се 35 бизнис идеи од кои 15 се разработени и развиени се 9 бизнис планови, истакна Методи Цветковски, претседател на РЦС Спектар“.
Во рамки на проектот спроведени се и два бизнис натпревари во Македонија и Бугарија, а изготвен е и прирачник за претприемачи без формално економско образование. Како резултат на проектот, развиен е пакет на услуги за претприемачи, формиран е Клуб на претпримачи „Спектар“ и добиени се 7 остварливи бизнис идеи со големи шански за успех.
Потребна е идна поддршка за изнаоѓање финансиски средства за започнување на бизнисот, менторство за раководење на новоотворните бизнисси и помош при изнаоѓање пазари.
Прекуграничниот регион нуди големи можности за соработка и развој на претприемаштвото и тоа треба да се искористи, појасни менторот Синиша Пекевски од „Си комуникејшн“ од Скопје.