Продажните цени на производителите на индустриски производи на домашниот пазар во ноември годинава се пониски на месечно ниво за 0,3 проценти, а се повисоки за 0,6 проценти на годишно ниво, објави денеска Државниот завод за статистика.
Во ноември во споредба со октомври годинава продажните цени на производителите на индустриски производи на домашниот пазар се пониски во групата „енергија“ за 0,9 проценти, додека во групите „интермедијарни производи, освен енергија“ и „трајни производи за широка потрошувачка“, се на истото ниво од претходниот месец.
Во ноември годинава, во однос на истиот месец лани, продажните цени на производителите на индустриски производи на домашниот пазар се повисоки во групата „енергија“ за 3 проценти, во групата „трајни производи за широка потрошувачка“ за 0,7 проценти и во групата „интермедијарни производи, освен енергија“ за 0,5 проценти.