Вредноста на рубљата утрово повторно забележа пад и едно евро сега чини 71 рубљи, а доларот 57, што се новите рекордни вредности, и покрај вчерашното зголемување за еден поен на каматната стапка на централната банка, на 10,5 проценти.
Падот на руската рубља првенствено е последица на ниските цени на нафтата и санкциите на Западот кон Москва поради украинската криза.
Слабеењето на рубљата предизвика потрошувачка грозница во Русија, па така граѓаните побрзаа да купат апарати, мебел, автомобили, пред сите производи дополнително да поскапат.
