Подрачните одделенија за првостепена управна постапка на Управата за имотноправни работи при Министерството за финансии заклучно со 15 декември, кога е крајниот рок за поднесување барања за приватизација на градежно земјиште во државна сопственост, ќе работат секој ден, вклучително и недела, со работно време од 8:30 до 19:00 часот.
Според Министерството за финансии, подрачните одделенија на Управата ќе работат и во недела поради големиот интерес за поднесување барања за приватизација на градежно земјиште во државна сопственост.
Барања за приватизација можат да се поднесуваат во подрачните одделенија за првостепена управна постапка при Управата за имотноправни работи.
