„BMW“ ги објави фотографиите и спецификациите на моделот „Serieѕ 6“ зa 2015-та, кој речиси многу малку се разликува од актуелната гама.
Производителите на автомобили не навикнаа да не очекуваме премногу промени кога станува збор за редизајн на моделите, па овој чекор на „BMW“ со „Serieѕ 6“ не е изненадување.
„Баварците“ во пакет ги претставија сите три модели од „Serieѕ 6“ зa 2015-та: „Coupe“, „Cabrio“ и „GranCoupe“.
Тие што ќе се впуштат во детална анализа на надворешноста во потрага по новитети ќе забележат дискретни разлики во маската на ладилникот, предниот браник и фаровите, додека задниот дел на автомобилот практично остана непроменет.
Покрај тоа, на купувачите на располагање ќе им бидат и редизајнирани алуминиумски бандажи.
Ентериерот на трите модели е ист како кај актуелната верзија, со тоа што „BMW“ ќе понуди нови дезени на навлаките и тапацирот.
Задржана е и постоечката палета на мотори, во опсег од 315 ks на моделите „640i“, па се до 560 ks кај најмоќната „M6“ верзија.
Освежените модели од „Serieѕ 6“ ќе имаат премиера на претстојниот саем за автомобили во Детроит, а почетокот на продажбата е закажан за првото тромесечије од 2015-та година.