Трговскиот суфицит на Германија е малку зголемен во октомври, бидејќи увозот се намали повеќе од извозот поради слабеењето на еврото.
Извозот на Германија во октомври се намали за 0,5 проценти на 97,2 милијарди евра во споредба со септември, додека увозот е намален за 3,1 проценти на 74,6 милијарди евра, во однос на сезонски прилагодените податоци на германската федерална канцеларија за статистика Дестатис.
Таквите податоци помогнаа во зголемувањето на трговскиот суфицит на Германија на 20,6 милијарди евра во октомври, пренесува агенцијата Франс прес.
„Трговските податоци во октомври се најновиот доказ дека најголемата економија во еврозоната доби на интензитет на почетокот на четвртиот квартал“, изјави Карстен Брзески од германската банка ING.