Францускиот буџетски дефицит на крајот на октомври оваа година изнесуваше 84,7 милијарди евра, што е за 1,3 милијарди помалку во однос на истиот месец минатата година.
Во нацрт-буџетот за 2015 година, кој е претставен минатиот месец, владата во Париз предвиде дека буџетскиот дефицит во оваа година ќе достигне 87 милијарди евра, а наредната година 75,7 милијарди, пренесува Ројтерс.
На крајот на октомври буџетските трошоци достигнаа 317,9 милијарди евра, во однос на 325,5 милијарди една година претходно, што значи дека се намалени за 7,6 милијарди евра.
Истовремено, приходите изнесувале 237,6 милијарди и се помали за 6,8 милијарди во споредба со месец октомври 2013 година.
