За време на автомобилскиот саем во Лос Анџелес во ноември, производителот на луксузни автомобили „Porsche“ го претстави најскапиот модел – „Panamera Exclusive Series“.
Покрај скептицизмот на многу од пазарните набљудувачи, 100-те примероци од моделот беа продадени за само 48 часа, соопштија од компанијата.
Успешната продажба ги натера аналитичарите да прогнозираат дека „Porsche“ може без проблем да преземе чекор за претставување на лимитирана серија и на други свои популарни модели.
Моделот „Panamera Exclusive Series“ беше со продажна цена од 310.000 долари. За споредба, следниот најскап модел на „Panamera“ чини 200.500 долари, а тоа е „Turbo S Executive“ што е продолжена верзија на стандардниот модел „Turbo S“.
Серијата беше најблиску нешто до луксузна лимузина што „Porsche“ го има замислено досега. Многу од работите во новиот модел се изработени рачно, а автомобилот ќе располага и со доста нови додатоци кои ќе ја разликуваат од обичниот „Turbo S Executive“, на кој е базиран.
Во додаток на продолжената шасија, која обезбедува дополнителен простор, „Exclusive Series“ исто така ќе биде во две бои – црна и кафена.
Возилото се движи од 5.7-литарски турбо мотор со максимална моќност од 570 коњски сили, со кој е опремен и моделот „Panamera Turbo S“. „Exclusive“ моделот ќе има и посебно изработени 20-инчни тркала од „Porsche“, кои го носат името „Sport Classic“.
Она што навистина го разликува „Exclusive Series“ од останатите седан модели на „Porsche“, е луксузниот кожен ентериер. Возејќи се на задните седишта, патниците ќе можат да уживаат во новиот систем „Porsche Rear Seat Entertainment Plus“. Системот вклучува два 10-инчни екрани осетлив на допир, монитори со интегрирана камера и DVD, дозволувајќи им на патниците да имаат корист од целосниот сет за бизнис и забава.
За обожавателите на „Porsche“, на кои им се допаѓаат чанти за багаж, „Exclusive Series“ нуди кожен комплет од 5 дела, дело на „Poltrona Frau“.
„Porsche“ ќе произведе само 100 парчиња од моделот „Exclusive Series“, а секој од нив ќе има индивидуален број.