Романија, во третото тримесечие од 2014 година, регистрирала најголем економски раст меѓу државите членки на Европската унија, во споредба со предходните три месеци, соопшти агенцијата Аџерпрес, повикувајќи се денеска објавените податоци на Евростат.
Благодарение на својот економски раст од 1,8 отсто Романија е лидер во ЕУ, следена од Полска со 0,9 отсто, Велика Британија, Словенија и Грција (сите со раст од 0,7 отсто).
Економски пад е регистриран во Кипар (0,4 проценти), Австрија (0,3 проценти) и Италија (0,1 отсто).
На годишна основа регистрираниот раст на романскиот БДП изнесува три отсто.
