Кинеската економија го презема лидерското место од економијата на САД која до неодамна беше водечка економија во светот, покажуваат последните податоци на Меѓународниот монетарен фонд.
Кина сега сочинува 16,5 проценти од глобалната економија кога се мери реалната куповна моќ, во споредба со 16,3 проценти кои ги сочинуваат САД кои доминираа од 1945 година.
Овој најнов економски земјотрес го следи развојот од минатата година, кога Кина ги надмина САД за прв пат во глобалната трговија.
Кога, сепак, ќе се погледне состојбата според меѓународните девизни курсеви, американската економија останува поголема од Кина за речиси 70 проценти.
Сегашната состојба нема да се промени утре или следната недела, но ќе промени речиси се на долг рок.
