Првите детали за новиот филм од серијалот за британскиот агент 007 беа објавени во Лондон, а продуцентите за време на манифестацијата го открија и новиот „Aston Martin“ кој ќе го користи Џејмс Бонд.
24-тата филмска приказна за Џејмс Бонд, која се нарекува „Spectre“, ќе има премиера на 6-ти ноември 2015-та, а првите официјални информации за филмот се соопштени на манифестацијата која се одржа во филмското студио „Pinewood“ во Лондон.
Како и во претходните три продолженија, улогата на агентот 007 ќе му припадне на британскиот актер Даниел Kрег.
Љубителите на автомобили најмногу ги интресира кој модел ќе го возил Џејмс Бонд, со оглед дека во претходниот филм беше уништен неговиот класичен „Aston Martin DB5“.
Традицијата не е изневерена, па и овој пат е избрана познатата британска марка на спортски автомобили, но целосно ново возило „DB10“:
Од „Aston Martin“ соопштија дека автомобилот најавува нов дизајн на идниот модел на овој производител.
Филмскиот „DB10“ има модерни спортски линии, а автомобилот од некои агли потсетува на „Jaguar F-Type Coupe“.
Љубителите на филмовите за Џејмс Бонд и „Aston Martin“ ќе мораат да почекаат уште барем една година, до премиерата на новиот филм, или барем до првите трејлери, за да можат да уживаат во филмските кадри на овој автомобил.
